სამარგალოშ დიდ ლიმა (მარგალურ ლიმა__542-562)
სამარგალოშ დიდი ლიმაქ 20 წანას გეგრძელუ' (542-562) დო ბიზანტიელეფიშ გუმორძგუათ დესრულუ'. მარგალურ ლიმა დეტალურო აფუ' აღწერილ პროკოფი კესარიელს დო აგათია სქოლასტიკოსის.
სამარგალოს, ნამუთ უჩა ზღვაშ ძგას მდებარენდუ, კავკასიაშ გვალეფიშ მნიშვნელოვან გინოულარემს აკონტროლენდუ', ნამუსით სტრატეგიულ მნიშვნელობა უღუდუ' ჟირხოლო იმპერიაშო. ბიზანტიელეფშო თენა რდუ ბარიერ, სპარსელემს უჩა ზღვაშა ვემშურთუმუდესკო თიშენ.
სპარსელ სასანიდემქ დეთანხმეს სამარგალო დოსკილადედკო ბიზანტიაშ გავლენაშ სფეროსი 532 წანას გედვალირ სამუდამო მშვიდობაშ ხელშეკრულებათ.მარა ბიზანტიელეფიშ მცდელობას, საკუთარ ადმინისტრაცია დუნიშნებდესკო რეგიონსი, თეს მაუნუ' მარგალეფიშ აჯანყებაქ 541 წანას. მარგალეფიშ მაფა გუბაზიშ მეშვეობათ პერსიდაშ მაფა ხოსრო | სამარგალოშა მიშმურს დო ეთმეჭოფუნს ბიზანტიელეფიშ მთავარ ჯიხას უჩა ზღვას__პეტრას, დო ქიანას მუშ პროტექტორატო აღიარენს. მარა შაჰიქ ეცადუ' სამარგალო ზოროასტრიზმიშ რელიგიაშა მუქციებუდუკო, მუსით ქრისტია მარგალეფიშ უკმაყოფილებაქ მაუნუ' დო მაფა გუბაზიქ კინ ეჯანყუ' 548 წანას, ასე სპარსელეფიშ წინაანდეგ. გუბაზ მაფაქ მოხვარა იუსტინიანე |-ს ქოთხუ დო ალანეფ დო საბირეფ ხოლო გემშეონუ' მუშ ალიანსშა.
იუსტინიანექ 7000 რომაელ დო 1000 ზან მაჯღონუ' გუბაზიშ მიოხვარებშა დო პეტრაშ ჯიხაშ გასამანგარებელო. სპარსეფიშ გამაგრებაქ მირმიროშ მეთაურობათ დამარცხუ' ბიზანტიელეფიშ ჭიჭე ძალა, ნამუსით პეტრაშ ეჭოფუა ოკოდუ. მირმიროსიქ ჯიხაშ დაცვაშენ 3000 მეომარ ქიდიტუ, მუქ სომხეთშა მიდართუ'. სამარგალოს დოსკილადირ 5000 სალდათ დაგისთუსიქ(საბირეფიშ უნჩაშიქ) განადგურუ' ფაზისიშ ლიმას 550 წანას. სპარსეფიშ უკულიან მიშულაქ ხოლო წარუმატებელქ იუ. მუნეფიშ უნჩაშ ფაროქან ცხენწყარწკუმა ლიმას დოვილეს. ბიზანტიელეფიშ ახალ მეთაურქ დოშკირიტუ აბაზგეფიშ პროსპარსულ გიშულა. გეჭოფუ' პეტრა დო მირმიროს ჯიხანქუჯიწკუმა(არქეოპოლის) დამარცხუ' 551 წანას, მარა მირმიროსიქ მახერხუ ქუთეშიშ დო უქიმერიონიშ ჯიხაშ ეჭოფუა დო გეგნუჭკირუ' ბიზანტიელემს მნიშვნელოვან შარეფ უღელტეხილეფშა. 553 წანაშ ზარხულს ინა ხოლო ართ მნიშვნელოვან გომორძგვაფას აღწიენს თელეფისთიწკუმა დო ბიზანტიელემს აიძულენს უკახალე ნესოშა დორთინას.
მირმიროსიშ ღურაშ უკულ სპარსელეფიშ სამხედრო მეთაურო ნახორაგანქ დინიშნუ' 554 წანას. ინა წარმატებულო ამარცხენს ბიზანტიელემს ონოგურწკუმა დო გორაუ თინეფ ჯიხანქუჯიშე. თე დამარცხებაქ ართიანს დაპირისპირუ' ბიზანტიელეფ დო მარგალ გენერალეფ. მაფა გუბაზიქ იმპერატორ იუსტინიანეს ინფორმაცია მიონჭირინუ ბესაშ, მარტინიშ დო რუსტიკეშე. ბესა იმპერატორქ ქიჭანუ, მარა რუსტიკექ დო მუშ ჯიმაქ გუბაზიშ ყ'ვილუა მახერხეს. მარგალემქ იმპერატორს მაფათ წათე, გუბაზიშ უნჩაშ ჯიმა დანიშნებაფუეს. სენატორ ათანასექ ყ'ვილუაშ საქმე გეგმიძუ. რუსტიკე დო იოანე ოჭოფეს, გასამართლეს დო სახალხოთ დუდ მეკვათეს.
555 წანას მოკავშირეემქ დირთინეს ჯიხანქუჯ დო სპარსეფ ფაზისწკუმა(ფუთ) ხოლო ართშა დამარცხეს. უკულიან წანემს ბიზანტ
იელემქ გვალაშ ხალხეფიშ მისიმიანელეფიშ დო აფსილეფიშ გიშულა დოშკირიტეს დო საბოლოოთ გორაეს სპარსეფ ქიანაშე.
557 წანაშ ზავით დესრულ ლიმაქ ბიზანტიაშ დო პერსიდაშ შკას. 562 წანას გედვალირ ჟარნეჩდოვითწანიან მშვიდობაშ ხელშეკრულებათ ხოსრო |-ქ ქიჩინუ' სამარგალო მუჭო ბიზანტიაშ ვასალ ქიანა ირწანიან გინაგაფალიშ მანგიორო.
Отредактировано ilia (2008-03-01 20:06:02)
