გომორძგუა, სააფხაზო, სქანი!
გომორძგუა, სააფხაზო, სქანი!..
გვალათ, რზენით, ირფელამო სქვამი.
ბჯა ბარჩხალა მომნატრებუ სქანი,
ზღვა ვამძირუ ქორე მუზმა ხანი.
ქუდმოხვამლე პალმაშ რგილი ორო,
შხვა ვამოკო სქანი მანგიორო.
კვარკნანტია ნიში მენჩურუნსუ ზღვას
ჩქინ ოროფა ვემდაღინე შხვას.
ჯიმალობათ ვორდით ანგიშ-მანგი,
ქუგომშინი ჯვეში ამხანაგი.
* * *
წყარტიბუშე ქუთეთიშა
წყარტიბუშე ქუთეთიშა
ქარჲ მუჭო რსხია!
ეგებ რკითხას ქუთეშიქ
მინორექ სია;
მე ვორექშო შურიშღალა,
მარა დუფულჲ მიშჲ,
ინას თეში ქიმეიხვადუ
ჩქიმჲ ქუთეიშჲ.
მერჲ
სი გურგინს გიდგ/ნდჲ ეთიმსერს, მერჲ,
მერჲ, ეთიმსერს სქან თოლიშ ორო -
გოთანთალერ ცაშ ვარვალ დო ფერი
მოწყინაფილ ორდ დამორჩილშორო.
სი შხვას მე/უნდი სინთე, ზისნახე
დო იტკვარტკვალუდ სანთელეფ, მერჲ,
მარა სანთელშე მეტო სქან სახე
რდ/ ენქილაფირ, პირკალიშფერჲ
ოხვამეს ცაშა უჭოფუდ ფსუა.
მიძირ მურიცხეფ დო ვარდიშპირეფჲ,
მარა შხვა /ოფე ხვამა-წირუათ
ნდღულაფირ ცირეფჲ,
შულადირ ცირეფჲ.
სი ელაფუჩანდ ღორონც დო ხატის!
იფრჩქილედ, მერჲ, იფრჩქილედ მა თის.
რდ/ დარხინება ონგარიშნერი,
ჩე ონწერალეფს მიშახედ, მერჲ.
სასაფლაშ განშე ისიმედ ნგარა.
გურ ინგარდ ალბეთ;
გურს მითინ ვა/უნდ.
რდ/ ომბოლუა, სიცოდოლ, ვარა
დღახუს ხომ ი დღა მუთუნით ვაგუდ.
გალე გუმულა, ტყვაც დო ვალუა.
გურიშ ჭუა დო გურიშხალუა.
ქიანა ინწყუდ,
ქარ გილექინძუდ,
ჭვენდ, უზორთუანდ უგნუღალუო.
ტანს ნაბადია ქიგიფქუნ მშვიდას,
შარა მეფჩ ფიქრის - იდას დო იდას.
/ოხ, /უდე სქანჲ! შურ ქიმიბღ თიშა,
სუსტებულცალო ქიმკვაპონ კიდას.
ათაშ ქანახანს ქელუორდ /უდეს.
ჩქიმ წოხლე ლანჯეფ გეჩანდეს წორო.
რუმე ფურცელეფ იშქიორუდეს
ეფურნელ ქირიშ ფსუალეფშორო.
გუორდ დო რინა ვამოკოდ მეტჲ,
შურ იშენ მეიღ, გურ იშენ გარზ/,
მა ვამაჭარუნ თი ნატრულ ბედჲ
თირიშ თარჩიათ მეუღუდ ქარს/.
ქომწი: მუს ნარღენს თე ძღანზღვილ ლანჟჲ?
ჩქიმ ბედის მუშენ გიორე ორო?
ჩქიმ ფიქრეფქ მუშენ დიჭყეს გვარგვანჯჲ
ეფურნელ ქირიშ ფსუალეფშორო?
ვარა ცას მუშენ უძიცანდ ტყურათ?
ვარა თეზმა ტყა მუშგურშენ ბჟვერჲ?
ვარა "მესაფლეს" მეგამათ ფთქუანდი?
ვარა მის ოკოდ ჩქიმ "მა დო სერი"?
გ/მანთხუდ ჭვეთეფი ცალო დო ცალო.
გურს გეჭვათაფა მი/ვილუნდ ირჲ...
დო ქჲმანგარინ ხენჩფე ლირცალო,
ინგარჲ, ირკოჩიშ მეტებული ლირჲ!