-САМАРГАЛО-

Информация о пользователе

Привет, Гость! Войдите или зарегистрируйтесь.


Вы здесь » -САМАРГАЛО- » Наша Культура » ლექსეფ


ლექსეფ

Сообщений 1 страница 17 из 17

1

ქორთხინთ არძას თაქ დოჭარათ მარგალურ ლექსეფი.

0

2

ბაღანობა გუმაშინე ჩქინი

ჩქიმ µოროფა, ჩქიმ გურიში ჭუა,
სოვრე იმნტა, სოვრეშე იმნჭუა,
ქიფრჩინუქ დო იშენ ვორექ ჩქიჩქი,
გურს ბონდღუნსუ სქან თოლეფიშ ჩხვიჩხვი.
ბაღანობა გუმაშინე ჩქინი,
მუსხი სერ დო ჭუას გივორჯგინი.
ჩქიმ შარა რე ჩეშმანი დო თინუ,
სქან თოლეფშა დღასუ ვამანტინუ,
მუ დაჩხირ რდუ დორ§ამილ თე გურსუ,
ოხოხოი, მუსხი მუთუნს გურ§უ,
ბაღანობა გუმაშინე ჩქინი,
მუსხი სერ დო ჭუას გივორჯგინი.
მირაგადნა-µუდეს ხექუ ხვალე,
მუს დართინე ბორჯი უკახალე,
ჩქიმ სურათეფს გაჯინექუ ირო,
ჩქიმ ლერსეფით ცხოვრენქ გოლვაფირო,
ბაღანობა გუმაშინე ჩქინი.
მუსხი სერ დო ჭუას გივორჯგინი.
ჩათხიებუქ როგუნჯ ქომონჯისუ,
ხვალე თიშო ოსაჭირუდ ისუ,
სი ჩქიმ შარაშ გოთანა რდი ძღაბი,
ტყურათ რენო შური დომიჟღვაბი,
ბაღანობა გუმაშინე ჩქინი,
მუსხი სერ დო ჭუას გივორჯგინი.
მორთი, ცირა, ქომიძირე აკა,
ქოძირ თე გურს მუჭო გილაკვაკვა,
ქოძირ თე გურს მუშ მასქვამა რექუ,
ქოძირ, ქოძირ მუჭო გიმოჭვენქუ,
ბაღანობა გუმაშინე ჩქინი,
მუსხი სერ დო ჭუას გივორჯგინი!
                                                                                 გური ოტობაია

0

3

ეჩდოშქვითი ჩილამური

თქვან დუდიშა მუნომლუაფ ჯაშ წვანჯეფი,
ცაშ ნოტეხეფქ ანწი ვარა თე გურს ხირცქას,
თქვათ გიჩქუნა µათე შარა ვარდუ ეფი,
თქვათ გიჩქუნა §ისხირ გოპუნდ არძო ბირცხას.

ეჩდოშქვითი ჩილამური გეკვოშქვიდე,
ეჩდობრუო მიხა§რენს, ალბათ, თორსას,
ლერსი, ოკო უკახალე ეკმოსქიდე,
µათე რინაქ მუდგანერო ვეკმამორსას!

კოლხიდაშე წყურგილშორო გემწოფსოფი,
ჩქიმ სისქვამეს მებეჭუდუ მაბჟალია,
ოდაბადეშ თოლიშსინთე გეკობჭოფი
დო ხურხიშა ქიფხუტოლე მაფშალია.

µათე გურსუ ღურუშ ორან ჭვეთით ვარ§უ,
მარა არძა მურიცხიში ლისმარ გეშქუ,
მუჭო ფიქრენთ - იბთირანქო ანწი გვარსუ,
ჩქიმ შარაქუ ბჟაეიოლიშე გემწოფეშქუ.

მიკმაჭაბუ ირფელ ართო, ბჯოგუ მერკე,
ებდიდორი, ქიპოპობრე, ეკიბლანდღვი,
შურშა ოკო თისხი დაჩხირ ქენიბგვერგვე,
მუსხის ვაგურ§ ჩქიმი ბირგული დო განთხი!

წანეფი, წანეფი, ეკობხართეთ ხაჯალურო,
ეჩდოშქვითი ჩილამური გეკვოშქვიდე,
ჩქიმჯგურეფი ვეშქურინე ღაჭალურო,
ლერსი ოკო უკახალე ეკმოსქიდე!

µათეჯგუა წიმოკინა კოჩის ვაშუ,
ნამს ღურუშფერ არშთა ვარა ვეგნოდვალუ,
არძა ჭუაქ მა ვამა ვილ, მა ვეშმაშუ,
გურც ნტყოლირი ლეკურეფქუ ვამათვალუ!

ეჩდოშქვითი ჩილამური გეკვოშქვიდე,
ეჩდობრუო მიხა§რენს, ალბათ, თორსას,
ლერსი, ოკო უკახალე ეკმოსქიდე,
µათე რინაქ მუდგანერო ვეკმამორსას!
                                                                                გური ოტობაია

0

4

გვიმარა

ოხვამურ ჯა რდი მარა
დეჩიჩიო, გვიმარა?
ვეგლენგარა ირიათო
თი თუთა დო თი მარა,
ოხვამურ ჯა რდი მარა,
დეჩიჩიო, გვიმარა?!

ჩელაია ნირსი ცაშე მირაµვალუ,
გოკურცხია, დიდა ინგირ გირაქვალუ,
გოლუაფირო, გოლუაფირო, ირო ფალუ,
კუჩხეფიშა წყურგილეფი ქუმოიდვალუ,
ოხვამურ ჯა რდი, მარა,
დეჩიჩიო, გვიმარა?!

შხურიშ ტყების გეჭარუდუ სქან ნინაშა,
მუჭო ოკო ონდღულესკო ფულანდი!
ითამ კუჩხი გეიდგუმუდკო ტინტილაშა,
ეკორჩვილი გილეში დო ქულანდი!

შხურიშ ტყების გეჭარუდუ სქანობურო,
ორქო ქვიშაშ კორობუაშ წესეფი,
გიკურცხინე, გიკურცხინე, გოლუაფირო,
სი მუნაფას გიწილოხუნს მესეფი!
ოხვამურ ჯა რდი, მარა
დეჩიჩიო, გვიმარა?!

ბირგულ მუშენ გიდირკუ,
კოლხურ ბირაშ მარჩქილეს?
ქარწყექ-ჰავაქ ქიდირქუ,
ფსუა გეკოვარჩხილე!

ქიგიშინი ხიოლი,
რე მუმულიშ µიონი,
მობაღუნა ქიონი,
უ§ისხირე, გვიმარა!

ნჭყოლირ გური მუჭო ვემკისქილადე,
ღურა თელათ მუჭო ვემკი§გილატე,
კოლხიდაშე ლანდი ქუდოსქილადე,
უ§ისხირე, გვიმარა!

ჩელაია ნირსი ცაშე მირაµვალუ,
გოკურცხია, დიდა ინგირ გირაქვალუ,
გოლუაფირო, გოლუაფირო, ირო ფალუ,
კუჩხეფიშა წყურგილეფი ქუმოიდვალუ.

ოხვამურ ჯა რდი, მარა
დეჩიჩიო, გვიმარა?
გიკურცხინე, გოლუაფირო,
ვარა გიმორჯგინანა!
ქიგიშინი თი მარა,
ქარცყექ მუსხის გიღვარა,
გემწოდორთი, გემწოჟვენგი,
გემწოსოფი, გვიმარა!
                                                       გური ოტობაია

0

5

ნანაია

ნანაია, შხვა ვორდ ირო,
თე გურ µოფე სქანი ჭირო,
ჩქიმდა მითინს ვაგაგებუ,
სქან მეტისუ, გოლვაფირო.
სქან სისმარეფ მოფუნს µუჩე,
ღორონთ ვორექ გური ქუჩე,
ვაგმაკურცხინ, მარა ქიბგინ,
ნორჩალ მუჭო ელამკუჭე.
ერჩქინაშე ხანგა ვორდი,
სო ვებდი დო სო ვავორდი,
სქვამ ცირეფსუ ქეკვოდინი,
ჩქიმი რინა შქაშა გოფრთი.
უდღანუნა, ნან, ჩქიმჯგურეფს,
მოჯგირეფქუ მიმენდურეს,
მარა ლერსეფქ ამაქექეს
დო ჟი დო ჟი მიდამტყურეს.
ვარე ჰავაშ ფიჩუ-ფაჩუ,
შურქ თიცალო გუმაფაჩუ,
კოჩიშ თოლით უძირაფუ
ოროეფი გიმაქვაჩუ.
ვემგმართინა ანწი გიმე,
ჟინცაშ ქვინჯი ოკო ბ§იმე,
კოჩიშ µუჯით ურჩქილაფუ
ხონარეფი ელმასიმე.
ქეშილებე დაჩხირქ დირკას,
დაჩხირ მუშო ოკო ნირგას,
მა შილებე გეგნობტორხე,
მარა გურქ დღას ვამოდირკას.
სქან §ისხირქ რე გამაµალუ,
სქან მასქვამა მი მაპალუ,
ღორონთიში ნოµელაშე,
თურმე ღორონთს გელამფალუ.
                                                              გური ოტობაია

0

6

ნერჩი

ჩვარჩვალერ ტყაცალო µოთანს,
ძეკვენეფ ნახუა ოდაში,
მიდეღეს კვიკვალი ოდა,
ქიµუნეს სისმარეფ ცოდაში.

გილაშუნდ უდუდე მუმა,
დოღურ დო ქიდიტუ ვალი,
ბორიას აბარჭყუ ხუმა,
მიოგდას ჩხოროფა ჭვალი.

ჭვემასუ ეთურე ნოსა,
გონწერე µოროფათ მერკე,
მუნარე ბორჯეფი ქორსა,
იხირგინ ვედრასუ ხერკე.

ჯარგვალსუ მილენგარს ცირა,
შქირენს დო ვეპალუ მინჯე,
ჩხვიჩხვშორო იკვანწალ ჩილა,
შოფერსუ უძახნა: - ქინჭე!

დოხუეს, მიდეღეს µუდე,
ვედიტეს ბონი დო ღულა,
მაჭირხოლს ვაპალუ ბუდე,
ვეშმოურს ოფურკეს ნპულა.

ბოღანეფს გეკორდუნს ნანა,
გეირ§ამუ ქიანა µვერე.
ომბოლშათ ქუმოურს ჩხანა,
ქიანეფი დიდათუ გერე!
                                                            გური ოტობაია

0

7

დიდაქიანა

უჩა ზღვაშ დო კავკასიაშ გვალაშ შკას,
სამარგალოთ გოჩკაფილრე ჭიჭე ქიანა.
საქორთუოშ სამოთხე დო სამარგალო ჯოხო თის,
ნანასკუაშ მარდუალი დო დიდაქიანა.

ჯვარი, ჭოლე, კვანჯარა, ოჭაკე დო წელკარი,
ჭუბურხინჯი, სათანჯო, ილორი დო ფიჩორი,
ინგირი, რეჩხი, ღალიძგა, ოქუმი დო ერწყარი,
არძო ჩქიმი ქიანა რე__ბჟა დო თუთაშ მინდორი.

ბჟა დო თუთაშ გოჭკაფილი, ჩქიმ ქიანათ გორწკინელი,
ნანასკუაშ არკვანი დო მარდუალი_ჩქიმი დიდაქიანა,
ათენა რე ჩქიმი დიდაქიანა_სამარგალო.....
ათენა რე ჩქიმი ჭიჭე ქიანა_სამარგალო.....''

პროფესორ რამაზ ლოგუა  2008 წანა

0

8

გური ოტობაიაშ(გულადი ფეტელავა) ლექსეფ

                            დამორჩილი

      მეურს ურემი, დამორჩილი რე,
სერი გინძე დი დღა მორჩილი რე,
ჯათ გორჩვილი რე თავრენურენი,
ოდაბადეში მოკო ბღურენი.

მეურც ურემი დო მირსიოლუ,
ოროფაქ დუდი მომირსიოლუ,
ტან მარზიოლუნ აკა, მუ რენი?!
ოდაბადეში მოკო ბღურენი.

ემერ სქუა და ემერ ჩილი რე,
შური ფურცელით მოფორჩილი რე,
ფოფორ ჭვილი რე, ვეფანდურენი?!-
ოდაბადეში მოკო ბღურენი.

        კვინჩა

     ბჟაქ გინილ გვალაშ ხინჩი,
სერ ილიებუ ინჩას,
იჭირჭკინ ლურიშ ქვინჩი,
ჭვიანს ნოელშე კვინჩა,

ალბათ ოროფა ორკუ,
დო ანგარინე კინი,
ანწალა ჯას მებორკუ,
სერ ილიებუ ინი.

    აკა, მუშენ ვემირულექ?

იხი, ხარენც ლაკაციაშ
     ციორითუ,
აკა მუშენ ვემირულექ
     ფიორითუ?!
გეგმათხოზუ თოლი ფერდის
     წაწაფითუ,
ვემირულექ მუშენ კოკაშ
      კვანწაფითუ?!
სო ვარენო დამორჩილიშ
     ფოფორ ჩანსუ,
სონ ხანი რე იხი ნოხო
      იფორჩანსუ.
სონ ხანი რე დამორჩილი,
შურსუ ჭვეთანს,
სონ ხანი რე წყუ ყვინთელო,
ბონუნს ჩე ტანს.
ლილაშფერი ოროეფი
     გვალენს ლოლუნს,
აკაბრცხათ დო ბჟა ოჭმარეს
      გეიშათოლუნს,
დრო რე, ცირა, სქან ორკოლშე
     წყარსუ ფშუნდე,
დრო რე ხურხის მასქურცალო
     ეთმარშუდე!
იხიქ-ეიფშ ლაკაციაშ
     ციორითუ,
ვემირულექ მუშენ კაბაშ
      ფიორითუ ?!

0

9

ი.ფაზისელიშ ლექსეფ

                       შურიშ რტინი

    ეკისერუ   უსერეთ,
    ცა გიორე ონგარ დღას...
ქარ იგანს დო ფურცელენს
            ევრე-ავრე ოფართხანს.

გოვალ,გოტყვაც თოლონჭეს,
   ცაქ გიხირიტ ობჟალეს \
შკურინაფილ ტორონჯეფქ
        გვალა გეგნიტკარჩალეს.

სო იდი დო სო ფურინი,
სო იდი დო სო ფურინი,
ქარწყექ მუჭო დოვღურინი,
ნეტე ღურელ ქოპუნინი.

გურქ ოკომცუ ქუმუცალო,
თოლეფქ ეკმაფშ ვალუას,
მუ გურზუ დო მუ მუცადუ
     ჩხანაშ გითოფალუას.   


        ჭიჭე ცირა

   სი ვარექუ ხასილასუ,
მა იფრელი მაცილანსუ,
გურშა ქეიფხუტოლუა,
სქანიჯგუა სქვამ ცირასუ.

თუთა ორდი თუთარჩია,
ჩე ნაბადო ქოდმარჩია,
შურ დომიტე წკირილო დო
   გურს-დაჩხერი ბარბანჩია.

რაგადანდინ,ქორშუნია;
პეულეფი თორსუნია...
ნეტე მუთუნ ბრალსი ვორდენ
ღვას დაჩხერი გორზუნია.

ჭიჭე ცირა ცვირალია,
უჩა თოლეფ გვირალია,
ჩქიმი გური სი დოვილი,
ანწ ვარე მაპირალია.


     

      ჰაი,ჩქიმ ცოდა ნანა

    ათე რინა ზღვა ორდუნი
        მიჩქუდუო ბაბა,
გერჩქინელი კოჩი ოფე,
   ზღვასუ დინნადღვაბა.

წყარს გეცუმილ ხანდა რე დო
      კოჩით ხოლო ხანგა,
ნამს ჩურუა ვახუჯუ დო
      ორქო-ვარჩხილს განგარს.

უჩა წყარი ძალენსუ დო
        ჰაი ჩქიმ ცოდა ნანა...
ურძრაფელა ჩხომეფს პიჯი
      მუჭო უქიქანა.

დონი ართო წკურუმი რე,
    ნოშკვერ ქილია რე,
ორგიაში უმუშოთი
           შური რსხება ვარე.

შორშე მოჩქუ წყარიშ პიჯი,
   ჩეჯალეფიშ რქია,
გოლენს ჟი გენმიგორგოლუ,
   გოფშა თუთარჩია.




      სო რე შურიშ მორცხება

   გვალა გიდალ ქვარამი,
კირდე-რობუ წკვარამი,
ერცქემიში ქაწვანჯა,
ცას მეგ ყამატარამი.

ქირი, სუა შარშალა,
   ბჟა ველუნსი ბარჩხალა,
ვართი შხური, ვართი ჭყიში...
    ვართ ხვამა დო ვართ ჭყალა.

0

10

ოდაბადე
ცა ოჭმარეს ზასქვ გილარე
ცა ონჯუას-მო        ლაღური
სქანოსქვებურქ ვამათქუნი,
კოჩქ თაშ მუჭო ალაბღური
ვართ მასქურო ეშმოლ მურქო,-
ქიგნოირქე თუმასგნი.
სქან უჟგუშო მის უჩქ,ცაშა
მუ მეულუ კუმასგნი...
ნაღდიშ ცასგ გილოცონქ,
პირსელიში მუმულჯგუა,
გინაცია სამარგალოს-
ჯგერობუას უკუჩხუა
ირკოჩიში მენძელი რექ,
გოონჯღორუ სტუმარუა,
ჭყოლიშ გურიშ ლეცერი რექ,
ღურუს ცურუს უვარგუა

        იოანე კოლხი

0

11

მარგალურო რე ლერსი დო ვართ ლექსი, ნამუთ რე ქორთული.
ამარი ართ ჯგირი მარგალური:
                                         
      მარგალ კათას
მარგალ კათას მარგალური,
წიგნიშ კითხირჷ ვამიჩქუნა.
თენა ჩქინოთ სქვამი ვარე,
ქარწყეთ მინჯე ჩქი ვაპუნა.
უმინჯურო ვორეთ, მარა
ჩქინით ქჷდიბგურუათი.
მიჸორდან ჩქინი ნინა,
თისი ვეკუჯიკუათჷ.
ნინაქ მემიდინესი და,
უჯგუში რე გობჭყორდათი.

0

12

http://img70.imageshack.us/img70/6269/23563880.th.jpgავერიკო თორია

0

13

ბაბას ვაგვანჭყორათ დო
ნანა ვემიმდურუათ.
მარგალურო მარგალეფქ
კითხირი ქიდიბგურუათ.
ჩქინი არზეფი დობჭარათ,
ართო აკვოკათუათ.
ვარა შორშა ვამალნენა
"ჯანსულოში" სხაპუათ.

0

14

მეგრული პოეზიის უდიდესი კოლექ

0

15

მეგრული პოეზიის უდიდესი კოლექცია  lakada.blog.com   ზე
collection of Megrelian Poetry on      lakada.blog.com

0

16

Валмики.

                         адам  нанаше екунели
                         нана рек нинепиши
                         бабарек ханда, бираши,
                         мосардже нано рчкинаши.
                               Ардзаш рина, скан чкапили,
                               скан геконил, палири,
                               нина кила рек джвешиши,
                               джал тебули горонтиши.
                         амдга брелре дзоро ртели,
                         вариас урагад нана нинасу,
                            бозала, гишагура, лахаларе,
                            гокурцх! Скилада-Чишапаре!
                                       Уруш гараш боло з-ре
                                       каланда-р, чкин тана-па-ре,
                                       гед до акет горонтиши
                                       вал мики марг — лазиши.

0

17

ოქუმი დო ჩქიმი რეფი

ოქუმი დო ჩქიმი რეფი,
ჩქიმ ფიჩორიშ მინდორეფი,
მუჭო რე მინ ტყას მითორეთ,
არძა გურიშ ჭუა რეთ.

ღალიძგა დო ჩქიმი ხურჩა;
ქელამჭიშე მუთ რე ხუჯჷშა,
ჰავა ფურცელს სო მეხუშა,
ეშ მაადრათ არძა ფუშა.

წისკვილი დო ჩქიმი კარე,
ჩქიმ ვარჩხილიში ოჭუმარე,
დებჯერაო, გოლუაფირო,
შხვაში რე დო ჩქიმი ვარე

0


Вы здесь » -САМАРГАЛО- » Наша Культура » ლექსეფ